Ինչպես ազատվել կպչուն մեղեդուց. հոգեբաններ

Արևմտյան վաշինգտոնյան համալսարանի գիտնականների կողմից առաջարկվել է բավական հասարակ միջոց՝ գլխից դուրս նետելու կպչուն մեղեդին: Դրա համար ընդամենը անհրաժեշտ է ձեռքը վերցնել հետաքրքիր գիրք՝ հայտնում է Lenta.ru-ն:

Հետազոտության շրջանակում գիտնականները վերցրել են մի քանի մարդու ու նրանց ստիպել լուծել տարբեր խնդիրներ՝ The Beatles-ի, Լեդի Գագայի և Բեյոնսեի հայտնի երգերի կատարման ներքո:

Պարզվել է, որ օրինակ՝ թղթի վրա նկարված լաբիրինթոսը չի օգնում ազատվել մեղեդուց՝ այն դեպքում, երբ սուդոկու գլուխկոտրուկի լուծումը տալիս է որոշակի էֆեկտ, որը, ի դեպ, զրո արդյունք է տալիս, եթե գլուխկոտրուկը չափազանց բարդ է: 

Ըստ հետազոտության՝ առավել լավ արդյունք է տալիս ընթերցանությունը:

Հետազոտման հեղինակ, երաժշտական հոգեբան Այրա Հայմանի խոսքով՝ գաղտնիքն այն է, որ ոչ առօրյա խնդիրները ուղեղը դարձնում են առավել ընկալունակ կպչուն մեղեդիների նկատմամբ, սակայն դրանք չպետք է լինեն չափազանց բարդ: 

«Երբ մենք ինչ-որ բան անում ենք մեքենայաբար, օրինակ՝ քայլում ենք փողոցով կամ մեքենա ենք վարում, մենք չենք օգտագործում մեր ուղեղի ունակությունները, այդ իսկ պատճառով ներքին նվագարկիչը կարող է նվագել ցանկացած պահի»,- բացատրել է Հայմանը: 

Նա նաև բացատրել է, թե ինչու է մարդն առավել հաճախ հիշում երգերի կրկներգերը: Նրա խոսքով՝ նախ՝ կրկներգը մի քանի անգամ կրկնվում է, բացի այդ՝ մարդիկ չգիտեն երգի երկրորդ ու երրորդ տները, այսինքն՝ երգը ամբողջությամբ չեն հիշում, իսկ ուղեղը ունի չավարտված մտքերին վերադառնալու միտում:

Հարցեր, պատասխաններ, մեկնաբանություններ